بابي يا بابي بابي يا بابي
الأب : اسم الله عليك فيه إيه يا فوفو مالك يا حبيبي ما لك مفزوع كده من نومك تعال تعال يا روحي
فوفو : بابي بابي أنا حلمت منام وحش خالص خايف يكون حقيقة يا بابي
الأب : حلمت بإيه يا حبيبي هو حد يستجري يخوفك ولو في نومك أنت ناسي أنت ابن مين
فوفو : قال إيه كنت أنا والموزة بنتفسح بالليموزين رحنا مقابلين الواد الغلس سوسو لقيته زعلان قلتله ما مالك يا واد هي الموزة مخصماك ما نطقش ألحيت عليه فراح دموعه نازلة بحر حقيقي أنا اتخضيت يا بابي قلتله في إيه يا واد قلي : اسكت يا فوفو مش ح يقفلوا القناة / الهكش بيشك يا روحي / بتاعة الفن الجميل اللي بنفس فيها عن همومنا ومللنا امال بوقت الفراغ القصير بتاعنا اللي هو كله 24 ساعة في اليوم و بنسلي نفسنا بيها ح نعمل ايه يا فوفو
حقيقي أنا اتفزعت يا بابي من الكلام اللي قاله الواد الوحش سوسو وكنت ح ارمي نفسي تحت أول عربية لولا الموزة حاشتني
قلي يا بابي معقول يقفولها قلي لا ده كابوس مش حقيقة
ضحك الأب ضحكة طويلة واحتضن ابنه المدلل وقال له :
منك لله يا فوفو الظاهر كنت متقل بالعشا والشرب يا فوفو خضتني عليك ما تقوم تصحصح فعلا ده كابوس ومش حقيقة
يا ابني هو حد من الارهابيين الوحشيين يستجري يفتح حنكه ويطلب كلام فارغ زي ده ولو افترضنا عملوها مين ح يرد عليهم ده متنفس للجيل المسكين اللي مش لاقي شغل ولا فلوس ولا جواز ولا قادر يعمل عيلة امال ح يفك عن نفسه ازاي
فوء يا فوفو امال احنا قاعدين بنعمل ايه ومختصين بالإعلام ليه ؟ بنقفل بس القنوات اللي بتخض الناس وتقلب حياتهم نكد قال ايه ساعة التزموا ساعة الرشوة حرام ساعة الخروج عريانين حرام ح تروحوا النار ساعة أنتو ليكم حقوق طالبوا بيها وبتزعل حبابيبنا الحلوين مننا وتعمل فتنة بين الحبايب وترعب الجيل وتفوقه لهمومه وفقره دي القنوات اللي لازمها قفل زي القناة اللي مش عارف اسمها أيه اللحمة الزحمة مش فاكر بالزبط لا فيها مزز ولا تفك عن النفس مش تقلي قناة / الهكش بيشك يا روحي / دي بتسلي جيلنا الأمور وتنسيه الوقت الضايع بحياته
قفز فوفو من سريره يحتضن والده بحب كبير وهو يصرخ :
يحيا بابي يحيا بابي البتل ( البطل )
أسدلت الستارة