السلام عليكم يارجال ابغا فزعتكم بداية السالفة في عمال مشتكين علي بمكتب العمل ... والسبب ! بأني لم اسلم لهم رواتبهم ...والسالفة من البداية انا كانت عندي مؤسسة مقاولات قبل 2 سنتين وكانو شغالين معي واسلم لهم رواتبهم بشكل شهري بس طبعاالزمن الماضي ماكان فيه نظام تحويل الرواتب على الحساب بل كان تسليم الراتب كاش وتوقيع على دفتر وبعد فترة تم هروب العمال من المؤسسة وتم رفع بلاغ هروب ومضت السنين وتحولت المؤسسة الى شركة وبعد سنتين من بلاغ الهروب تم رفع على المؤسسة شكوى بأني لم أسلم لهم رواتبهم والدفتر طبعا جالس ابحث عنه ولم احصله الى الان وكان موعد الجلسة اليوم بتاريخ 1436/12/03هـ ووقت حضور الجلسة تم تأجيل القضية بعد شهر 1437/01/05هـ واستلمت من عضو الهيئة صور من دعوى العماله وكل شخص كاتب بانه لم يستلم راتب لمدة 6 شهور والاوفر تايم ويرغب في الغاء بلاغ العروب ويرغب في نقل الكفالة كل شخص كاتب نفس الطلبات بس الاختلاف فيما بينهم بعدد الشهور الي ما استلمو رواتبهم فيها وطلب مني الحضور بالجلسة القادمة بأحضار خطاب أو رد على الدعوى المقامه على المؤسسة ....وابغا منكم حل او مبرر او نظام او اي حل للموظوع الله يجزاكم خير لكل من شارك ومن قراء ,,,, وأرغب في صياخة رد على الدعوه المقامه على المؤسسة وشكرا لكم جكيعا وللمنتداء الي اتاح الي الفرصه بالاستشاره المجانية .